Oskorri izango dugu Elgetan. Eta beraiekin batera kantura etorri gura duen guztiak kantatu ahal izango du. Kantu gogoz ez geratu, e? Eta instrumeturen bat baduzu ere ekarri eta zuzenean jo ahal izango duzu.

• Eguna: maiatzak 18, ostirala.
• Ordua: 22:30ean.
• Lekua: Elgetako Kafe Antzokia.
• Sarrak 10 euro eta 7 euroan.

Orain, Kontzertu Ziklo Berrian, jada grabaturiko 13 errepertorio horiek berriz jotzen eta kantatzen ari dira,  flauta, oboe, klarinete, saxo, tronpeta, tronpa, tronboi, fliskorno, bonbardino, tuba, xilofoi, perkusio, biolin, biola, txelo, kontrabaxu, akordeoi eta txisturako prestatu diren konponketa berriekin, seguru hurrengo urteetan material ezinbestekoa suertatuko dena Euskal Herriko Banda eta Musika Eskola guztietan.

Aurten oso kontzertu bizi eta berezia prestatu dute Oskorriko lagunek, non taldeko partaideekin batera, edozein instrumentu jo eta kantatu egiten duen publiko guztia bilakatuko den ekitaldiaren protagonista nagusia.

Aurtengo errepertorioa oso bizi eta berezia da:

 1- Ama begira ezazu. 2- Itsasoa laino dago. 3- Manuelatxo. 4- Ardoari kantak. 5- Bautista Bazterretxe. 6- Ikusi nuenean. 7- Pelegrinoak gatoz. 8- Txori erresinula. 9- Atxiketan-potxiketan 10- Biarritzen etxe batean. 11- Maria nora zoaz?. 12- Markesaren alaba. 13- Ni hiltzen naizenean.  14- Haurtxo polita.  15- Pello Joxepe.   16- Madalen Buzturingo. 17- Oi, Pello, Pello!.  18- Jeronimo.

Eta errepertorio honetako kanturen bat Elgetako koruaren laguntzarekin egingo dute. Baina benetako protagonista zu zara, kantura etorriko zaren hori.

Pianoa eta biolontxeloa. Ibon Rodriguez (Le Noise, Eten…) eta Maite Arroitajauregi (Mursego). Bi zutabe horien gainean eraiki du Montoiaren mundu miresgarria (Bidehuts) Xabier Montoiak (Gasteiz, 1955). Musika instrumentu organikoen bidez, biluztasunean topatu du babesa, eta «usain klasikoko» hamar kantuek musikarekin adiskidetzeko balio izan diote.

Non: Espaloia Kafe Antzokian
Eguna: maiatzak 11, ostirala.
Ordua: 22:30ean
Sarrerak 7 euro eta 4 euro.
Erreserbak: 943789085

Berria-ko elkarrizketa.

Konturatu barik, baiña pasatu dira 8 urte. Lortu dugu magiarako leku erreferentziaduna izatea Elgeta. Aurten maila internazionaleko magoak izango ditugu Elgetan. Milaka lagun pasa dira magia ikuskizunak ikusten eta 4, 5 eta 6an espero ditugu ikusle pila bat. Sarrerak jarri ditugu saltzen. Ikusi zer eskaintzen dizuegun:

Maiatzak 4, barikua

• 22:30ean, MagoMigue. Sarrera: 15 euro.
• ‘AluCine’ ikuskizun berriarekin. (Munduko Magia saria)
• www.magomigue.net

Georges Méliès handiari Miguek egiten dion omenaldia da ‘AluCine’ ikuskizuna. Lumières anaiak zientzialariak ziren eta zinema asmatu zuten; Georges Méliès, ordea, magoa zen, eta zinemarekin lilura eta harridura eragin zituen. Zinema lehen aldiz ikusi zuten XIX. mende bukaerako gizon-emakume haien tokian ipiniko gaitu munduko magia saria jaso duen ikuskizun honek. MagoMigue munduko kartomagia txapelduna da eta hirugarren aldiz izango dugu Elgetan. Publikoaren Saria jaso zuen 2006an Magia Mostran.

Maiatzak 5, zapatua

• 18:00etan, Herriko plazan. Doan.
• Francisco Cuesta magoa.
• ‘La magia de Paco’ ikuskizuna.
• Familia osoarendako.
• Magia jokoak eta truku sinestezinak, haurrak liluratzeko eta haien parte hartze zuzena bultzatzeko.

Maiatzak 5, zapatua

• 22:30ean, Magia Gala 5 magorekin. Sarrera: 18 euro.
  

Enric Magoo (Katalunia)

‘Frankie J.B.’ ikuskizuna – Magia komikoa

http://www.enricmagoo.com/index_es.html

Frankie J.B. Enric Magoo magoaren ikuskizun ospetsuena da. Nazioarteko sariak lortu ditu eta atzerrian ezagutzera eman duen ikuskizuna da. Antzerki obra txikia dugu Frankie J.B., beti ere magia trikimailuak ardatz direla. Frankesteinen munstroaren alderdi komikoa ezagutuko dugu. Mandrakes d’Or saria dugu.

Parenthèse Cubique (Frantzia)

• ‘Cubic Act’ ikuskizuna – Ilusio handiak

• http://p-cubique.com/

Hiru pertsona, lanpara bat eta kutxa bat. Kutxak bakarrik egiten du hegan. Ikusi eta gero etxean proba egiteko gonbitea egiten dute Bertox, Maxime eta Léopoldine mago frantziarrek. Ilusio handi honek sari ugari jaso ditu, tartean lehen saria Frantziako magia txapelketan, eta lehen saria Europako magia txapelketan.

Silvana (Argentina)

• Magia antzeztua
• Magia trikimailuak antzerkia eta musika oinarri dituen ikuskizun batean. Originaltasunaren saria iazko Blackpool-eko (Erresuma Batua) magia jaialdian.

Charlie Mag (Katalunia)

• Magia usoekin

• http://www.charliemag.es

• Mugimendu biziko ikuskizuna non musikaren erritmora magoak usoak agertu araziko dituen leku harrigarrienetatik. Indar bisual handiko ikuskizuna; nazioarteko zazpi sari eskuratu ditu, tartean Lehen saria mundu mailako mago gazteen txapelketan.

Maiatzak 6, domeka

13:00etan, Magia kalean. Doan

Brando & Silvana

• ‘Circus’ ikuskizuna
• Zirko ikuskizun batean oinarritutako lana. Magia, mimoa, malabarak… Lehen saria iaz Alemaniako Street Magic Festival jaialdian.

Enric Magoo

• ‘Carro de ilusiones’ ikuskizuna.
• http://www.enricmagoo.com/es/espectacles/carreto.html

Kaleko magia ikuskizuna da. Magooren esanetan ikusleen muturren aurrean egiten da magia purua; ilusioa ezkutatu gabe. Ikusleak zuzenean parte hartzera deitzen dituen ikuskizuna da ‘Carro de ilusiones’. Ilusioz beteriko karroarekin etorriko da Enric Magoo eta Elgetako kaleetan banatuko du ilusio hori.

Aurkezlea: MagoMigue.

Zuentzako prestatu ditu Espaloia Kafe Antzokiak maila internazionaleko magoak areto barruan, eta baita ahozabalik utziko zaituzten magoak ere plazan, debalde. Guk gustura lagundu dugu udaletik zortzigarren urtez ekimen hau. Eta orain disfrutatzea besterik ez da falta. Etorri gurekin asteburu magikoa bizitzera Elgetara, gonbidapena egina dago.

Maiatzaren 4tik 6ra, momentuko magorik entzutetsuenek erakustaldia egingo dugu Espaloia antzokian Koldo Mitxelena aretoko aurkezpenean esandako moduan.  Aurten lehen aldiz, magia kalera aterako dute zapatu arratsaldean ere. Gipuzkoan, erreferente bilakatu da dagoeneko Elgetako Magia Mostra. Aurten, zortzigarrenez antolatu dute maiatzeko lehen astebukaerarako. Mila eta ehun biztanleko herri batek, beste hainbeste ikusle erakartzen dituela azpimarratu gura izan dute Magia Mostrako antolatzaileek: ” Erantzuna benetan oso oso ona da; mila laguneko herria da eta beste hainbeste ekartzen ditu magia jaialdiak gurera”. “Munduko mago onenak izan dira  jaialdian; kalitatea zaindu gura izan dugu beti, eta aurten ere lehenengo lerroko magoak eta ikuskizunak ekarriko ditugu”, gaineratu nahi izan digute.

Patxi Basauri Elgetako turismo zinegotziak, Udala eta herriko kultura taldea batera lanean aritzea azpimarratu du: “lortu dugu, magia gure bailarara ekarri dugu eta fruitua eman du herrian 250 bazkide dituen elkarte baten eta udalaren arteko elkarlanaren ondorioz. Horren eredua da zortzigarrenez egingo den magia mostra hau. Gipuzkoa osoa dago gonbidatuta; nahiz eta Bizkaia, Araba eta Santanderretik ere etortzen den jendea”. Hala hortxe Basaurik egindako gonbidapena: “Etortzen bazarete errepikatuko duzue. Aho zabalik eta gustura utziko zaituzte magoek Elgetan; etorri gurekin asteburu magiko bizitzera!
Mago onenak
Espaloia Antzokiak antolatuta, goi-mailako magoak eta magia ikuskizunak izango ditugu aurtengoan ere. Jose Angel Suarez antolatzaileak zer ikusiko dugu aurreratu digu: “Zortzi urteren ostean, aurtengo kartela maila oso handikoa da. Aniztasun handiko egitaraua da, diziplina asko batzea lortu dugu”. Areto barruko ikuskizunetan ariko dira MagoMigue (Granada), P-Cubique (Frantzia), Enric Magoo (Katalunia), Charlie Mag (Katalunia), eta Silvana magoa (Argentina). Ondoren, domeka arratsaldean, Silvanak magia kalera aterako du Brandon magoaren laguntzarekin.
Eta, kaleko magia ikuskizunei dagokienez, berriz, aurten egun bat gehiago izango dugu; domeka eguerdian ez ezik zapatu arratsaldean ere Elgetako kaleetan barrena ariko dira-eta magoak denen gozamenerako.
Gau magikoa ostiralean
Lehena magia demostrazioa egiten barikuan, munduko magia saria duen magoa: MagoMigue “AluCine” ikuskizun berriarekin. MagoMiguek asko bidaiatzen du eta herrialde askotan egondakoa da. Oso ikuskizun zaila, konplexutasun handikoa dakar; eszenatoki asko dituen espektakulu duina da. Georges Melies handiari Miguek egiten dion omenaldia da. Lumieres anaiak zientzialariak ziren eta zinema asmatu zuten; Georges Melies, ordea, magoa zen, eta zinemarekin lilura eta harridura eragin zituen.Zinema lehen aldiz ikusi zuten XIX. mende bukaerako gizon-emakume haien tokian ipiniko gaitu munduko magia saria jaso duen ikuskizun honek. MagoMigue munduko kartomagia txapelduna da eta hirugarren aldiz izango dugu Elgetan. Publikoaren Saria jaso zuen 2006an Magia Mostran. Ikuslea aho bete hortz uztera etorriko da duda gabe.

Gau magikoa: magia gala zapatuan

Zapatu gaueko magia gala,  Miguek berak gidatuko du. Parenthese Cubique frantziarraren magia modernoaz eta ospetsuaz gozatuko dugu lehenengo. Ilusio handiak gustuko dituenendako lana ekarriko digu-eta: Cubic Act. Ondoren etorriko da Enric Magooren ikuskizun umoretsua. Nazioarteko sariak lortu ditu eta atzerrian ezagutzera eman duen ikuskizuna ekarriko du Elgetara: Frankie J.B. Duda gabe, mago emankorrena da. Urte asko daramatza ikuskizun berbera egiten eta oraindik ez du gaurkotasunik  galdu; ikuslea oraindik ere txundituta geratzen da. Domekan, kalera irtengo da, Carro de ilusiones izeneko emanaldiarekin.
Antzerki obra txikia eta umoretsua dugu Frankie J.B; beti ere magia trikimailuak ardatz dituela. Frankestein munstroaren alderdi komikoa ezagutuko dugu. Mandrakes d’Or saria jaso duen antzerki ikuskizuna da.
Eta nola ez, magia tradizionalaren maisua, Charlie Mag, izango dugu bere usoekin. 20 urteko gaztea da eta sekulako ibilbidea dauka dagoeneko. Numero klasikoaren barruan, magia egiteko erabiltzen dituen elementuak klasikoak dira, magia hitza esan eta burura etortzen zaizkigunak. Hala, usoak desagertzen dituen saioa ikusteko aukera izango da berarekin. Mugimendu biziko ikuskizuna da eta musikaren erritmora magoak usoak agertu eta desagerraraziko ditu leku harrigarrietan. Indar bisual handiko ikuskizuna; nazioarteko zazpi sari eskuratu ditu, tartean Lehen saria mundu mailako mago gazteen txapelketan.
Eta emakumezko bat tartean: Silvana. Jostun baten istorioa kontatzen du eta oihartzun handia izan du nazioartean benetan originala delako ikuskizuna. Magia trikimailuak antzerkia eta musika oinarri dituen ikuskizuna da Silvana argentinarrarena. Originaltasunaren saria jaso zuen iazko Blackpool-eko, Erresuma Batuko magia jaialdi entzutetsuan.
Magia kalean

Kalean, herritarren aurrean magia erakustaldia doan egitea, klasiko bilakatu da. Aurten ordea, bigarren ikuskizun bat egingo dute. Hala, domeka eguerdian ez ezik, zapatu arratsaldean ere familia osoarendako ikuskizuna eskainiko du Cuesta Gasteizko magoak, 18:00etan. Domekan, Silvana eta Brandok, Circus kaleratuko dute; Lehen saria jaso berri duena Alemaniako Street Magic Festival jaialdian. “Helburua, magia ikuskizuna bultzatzea da. Magia kalean doan bi egunez, herritarren eskura eta herritarrei gerturatzeko asmoz”, azpimarratu gura izan dute antolakuntzako kideek.

Egitaraua

Maiatzak 4, barikua
22:30 Magia saioa; 15 euro.

•  MagoMigue. ‘AluCine’ ikuskizun berria.

Maiatzak 5, zapatua
22:30 Magia gala; 18 euro.

•  P-Cubique: ‘Cubic Act’, ilusio handiak ikuskizuna
•  Enric Magoo: ‘Frankie J.B.’, magia komikoa.
•  Charlie Mag: Gala ikuskizuna, magia usoekin.
•  Silvana: Antzerki magia

18:00etan kalean, doan

Maiatzak 6, domeka
13:00 Magia kalean; doan.

•  Brando eta Silvana: ‘Circus’ iksukizuna.
•  Enric Magoo.

Sarrerak salgai daude dagoeneko, Espaloian bertan. Erreserbak 943789085 telefonoan.

Testua: Maider Arregi (goiena.net)

Zein da erronka? ba baikortasuna trasladatzea hizkuntza eta estetika kontenporaneoaren bidez.

• Non: Espaloia Kafe Antzokia
• Eguna: Apirilak 27.
• Ordua: 18:30
• Prezioa: 10 euro, bazkideek 7.

Informazio gehiago: teatropantarhey

Amodioaz, zeloez,
hausterre eta suaz
min eta bekatuaz
hori dena badenez
hori dena da tristea
dena da fadoa.

Gustuko dutelako dira fadolari plaentxiarrak, edukiak, kantuerak eta musikak erakarrita: gitarra espainiarrarekin eta erritmoari egoki eutsiz: Jon Basauri; gitarra portugaldarrarekin eta musikaren pisua eramanez: Domentx Uzin orkestra gizona; zeharkako txirula fado taldeetan ikustea oso zail den arren ondo josten diren melodiak haizeetan: Ane Ugalde; ahotsean, berriz, erregistro zabaleko ahots garbia eta sakona, ahotsa nahi eran goratzen: Arianne Unamuno.
Lau taldekideak dira kantuen aurkezle, hitzen itzultzaile edo kantuen norakoen azalpen-emale. Irudikatzen du inork Portugalera bidaian joan, Portugaleko lau seme-alabarekin tril egin eta euskal kantuez osatutako dozenatik gorako errepertorioa entzutea, esaterako Coimbran? Ba utopiatxo hori errealitate egiten dute Ventos de Saudade taldekoek. Benetako lau euskaldun fadolari portugesez kantuan, euskarazko azalpenak lagun eta sentimenduak eraginez.

Faco Curvo. Maria Bobonneren fadoak dioen moduan:

Bem pensado
todos temos nosso fado
E quem nasce mal fadado
melhor fado não terá.

Izan ere, ondo pentsatuz gero bakoitzak badu fado bat eta Espaloian  fado hori entzuteko aukera izango duzue, geratuko zarete ez fado batekin, sorta eder batekin baino.

Aukera Espaloian:

• Eguna: Apirilak 20, barikua.
• Ordua: 22:30ean
• Lekua: Espaloia Kafe Antzokia.
• Sarrerak enkargatzeko: 943789085 (7 euro eta 5 euro bazkideek)

• Hilaren 19an abiatuko da Espaloiak apirilerako gertatu duen programazioa. Udalak Intxorta 1937 kultura elkartearekin batera antolatutako ekintza bat izango da lehenengoa: Pablo Beldarrainen liburu baten aurkezpena egingo da frontea jausi zeneko 75. urteurrenean.
• Egun berean, 19:00etan, itsas-gizon baten istorioak izango dira protagonista antzokian; Jesus Guerra tolosarrak Atlantikoa belaontziz zeharkatu zueneko abenturak kontatuko ditu.

Fadoa

• Musika hitzordua Soraluzeko taldearen eskutik etorriko da. Ezagunak ditugu Espaloian eta aurrekoan utzitako zapore onak jendea ekarriko du, seguru, antzokira. Ventos de Saudade taldeak ez du inor indiferentzian utziko. Ondo egindako kantua, ahots bikaina eta fado gaua. Ummm ze giroa. Sarrerak salgai daude dagoeneko, 943789085 telefonoan gordetzeko aukera. Gogoratu, hilaren 20an, barikua, gaueko 22:30ean.

Antzerkia

• Inprobisazioak -Clowna: Bergarako Amaia Arriaran kide duen Improvisibles taldeak Clown inprobisazioak egingo ditu hilaren 26an, eguena, 20:00etan. Sarrera 5 euroan.
• Familia osoarendako antzezlana: Panta Rhei taldea “Auzokideak” antzezlanarekin etorriko da hilaren 27an, barikua. Txontxongiloan bitartean ezintasun bat dutenen egunerokoari buruz ariko dira taula gainean.

Bideoa: goiena.net

Haur, gazte eta heldu, askotariko jendea batu zen eta nahikoa lan izan zuten alde batera eta bestera begira; itxuraldatutako kafe antzokia nola geratu den ikusi gura zuten eta kuriositatez egon ziren begira. Durangaldeko Zirkiñik Bez! taldeak girotu zuen ekitaldia eta ez zen falta izan, noski, trago eta mokadurik.

Herritarrek zein inguruetatik gerturatutakoek hitz onak baino ez zituzten izan Espaloiaren gainean: gauza gutxirekin itxura berria eman diotela, ondo geratu dela eta bizitza handia ematen diola Elgetari.

Haurrak ere gustura, eurentzako propio egokitutako txoko bat ere baduelako kafe antzoki berriak.

Eta orain, ohiko programazioarekin aurrera! Domekan, “herrixa dantzan” ekimena izango da, 18:00etan ume eta gurasoenndako eta 19:00etan publiko osoarendako. Dantzarako gogoa? ba ez geratu etxean. Pasa Espaloitik, ikusi egindako berritze lanak, dantza egiteko aukera eta ondoren pizzak, ogitartekoak etab luze bat.
Argazkiak: Josetxo Arantzabal (Goiena.net)